- Dikkat Portal
- 19.02.2026
-
-
-
Yükleniyor
Yükleniyor
بلاى ماسوايه مبتلايم يا رسول الله
زبون پنجهٔ نفس و هوايم يا رسول الله
كرم قيل بن فقيره الامان اى رحمت عالم
سراپا محض عصيان و خطايم يا رسول الله
سن اَوْرنك شفاعت شاهيسين سلطان رحمتسين
قپوڭده بن ده بر كمتر گدايم يا رسول الله
شفاعت قيل مدد يوخسه او رتبه چوق گناهم كيم
نه رتبه يانسه‌م اول رتبه سزايم يا رسول الله
زبون درد عصيانه طبيب مهربان سنسين
عليلم بن ده محتاج دوايم يا رسول الله
نه غم مجرم ايسه‌م ده بڭا بسدر بو سعادت كيم
قپوڭده بر كمينه خاكپايم يا رسول الله
بنى رد ايتمه اولادڭ باشيچون باب لطفڭدن
ضيايم بندهٔ آل عبايم يا رسول الله
Belâ-yı mâsivâya mübtelâyım yâ Rasûlallah
Zebûn-i pençe-i nefs ü hevâyım yâ Rasûlallah
Kerem kıl ben fakîre el-aman ey rahmet-i âlem
Serâpâ mahz-ı isyân ü hatâyım yâ Rasûlallah
Sen evreng-i şefâat şâhısın, sultân-ı rahmetsin
Kapında ben de bir kemter gedâyım yâ Rasûlallah
Şefâat kıl meded, yoksa o rütbe çok günâhım ki
Ne rütbe yansam ol rütbe sezâyım yâ Rasûlallah
Zebûn-i derd-i isyâna tabîb mihriban sensin
Alîlim, ben de muhtâc-ı devâyım yâ Rasûlallah
Ne gam, mücrim isem de bana besdir bu saâdet kim
Kapında bir kemîne hâk-i pâyım yâ Rasûlallah
Beni reddetme, evlâdın başuyçün bâb-ı lûtfundan
Ziyâ'yım, bende-i âl-i abâyım yâ Rasûlallah
Ziyâ Paşa, s. 43
Yorumlar:
Yorum Yazabilirsiniz.